Carl Sagan e Gavin Aung Tan: Australia, Brasil, Lalín

Gavin Aung Than é un mozo australiano que publica os seus cómics en zenpencils. Despois de botar uns anos traballando como deseñador gráfico, Gavin decidiu dedicarse ao que realmente lle gusta: debuxar. Deste xeito, en febreiro de 2012, comezou a publicar o seu blog. Inspírase nas citas que lle envían e, cada martes, publica súa tira.

Soubemos del grazas á nosa colega da BD que o atopou na de Carlos Rúas. Fascinounos e entramos en contacto con Gavin. 

Que gran rapaz! Pedímoslle permiso para traducilas ao galego e todo foron facilidades. Irémolo (irano, pois pensamos fundamentalmente no alumnado) facendo pouco e pouco, pero xa temos unha mostra: xustamente a dedicada a Carl Sagan.

Neste caso, a tradución foi cousa de Manolo Conde, con revisión de Minia, Mario e Paio. Escolleu Manolo a que máis lle gustou (creo), pero tamén unha das máis aqueladas para nós (polo da Astronomía, xa se entende)

A ver que vos parece: