"O lema deste ano, Tecendo Comunidades, pretende destacar o papel fundamental que desempeñan as bibliotecas na construción de lazos fortes dentro das nosas comunidades. Estas institucións son centros de conexión e aprendizaxe, onde as historias, as experiencias e os coñecementos son os fíos que unen os cidadáns". Así nos presentan desde Bibliotecas Escolares de Galicia o lema do cartel deste DÍA DAS BIBLIOTECAS:
E desde a Mario Pereira quixemos saber que significa a Biblioteca Escolar para os nosos usuarios. As respostas chegaron en forma de pequenos papeis de cores pegados sobre a imaxe de Rosalía que preside a entrada á nosa biblioteca:
Coa axuda de Radio Marela poderedes escoitar todos estas opinións.
E seguindo coa nosa idea de sacar os libros dos andeis, de liberalos para facelos máis visibles, hoxe foi a quenda dos 028, pero facéndolle un oquiño a un 02 moi especial para nós: o volume que recolle os Premios 2006 de Bibliotecas Escolares outorgados polo Ministerio de Educación y Ciencia e no que a Biblioteca do IES Ramón María Aller Ulloa figura entre os premiados. Parabéns ao equipo que a conformaba naquel momento e tirón de orellas para os que fan que, curso tras curso, o profesorado teña máis carga horaria e menos tempo para a Biblioteca.
Ningún comentario:
Publicar un comentario