O alumnado de 2º ciclo de ESO e 1º de Bacharelato desfrutou este martes dunha clase de francés diferente. En lugar de practicar a comprensión e expresión oral nas súas aulas, co seu profesorado habitual, achegouse ata o salón de actos para PARTICIPAR nunha sesión de contacontos. Precisamente isto, a "invitación a colaborar" é o que lle dá nome ao proxecto educativo: Conte avec moi.
Da man de Samuel Mountomnjou coñecemos un conto tradicional do Camerún, no que, máis alá dunha aparente historia de amor imposible, descubrimos a maldade, a envexa e o poder da palabra fronte á brutalidade e a violencia. Pero Samuel non se limitou a contar un conto, senón que como ben explica no seu proxecto "fai a narración teatralizada dos contos coa colaboración dos participantes".
Nas imaxes, o alumnado de 4º de ESO e 1º de Bacharelato, cos seus profesores, Moncho e Sofía, e o contador camerunés Samuel Mountomnjou; e algúns momentos da teatralización, con alumnado representando o papel de león, ovella, hiena, ou músicos.
Ningún comentario:
Publicar un comentario