Un ano máis a Asociación española de críticos literarios concede os seus PREMIOS NACIONAIS DA CRÍTICA LITERARIA. De entre as obras publicadas no 2022, destacan Materia, de Yolanda Castaño e Ninguén queda de Brais Lamela, en poesía e narrativa respectivamente.
Podedes acceder á información de Nós Diario na ligazón.
Por segundo ano consecutivo, unha obra en galego foi a escollida para o Premio Nacional de Narrativa. O primeiro dos nosos autores en acadalo foi Alfedo Conde, con Xa vai o grifón no vento, ala polo 1986. Manuel Rivas, con Que me queres, amor? obtivo este galardón dez anos despois. E agora, por primeira vez en anos consecutivos, Marilar Aleixandre segue a estela de Xesús Fraga con (Virtudes e misterios)
Desde A Marela Tarabela, Parabéns, Marilar.
Imaxe: El PaísA partir do luns, 21, na Biblioteca pódese ver a Exposición de murais "Escritoras na Literatura Universal" realizados polo alumnado de Literatura Universal de 1º do Bacharelato, coa coordinación da profesora Adriana Iglesias, organizadora da actividade.
 |
| Posando diante do panel cos murais |
Ao fío da exposición, Adriana achéganos a seguinte reflexión:
Nas últimas semanas, o alumnado de Literatura Universal de 1º do Bacharelato realizou unha pequena investigación sobre escritoras, comprobando que o número das estudadas na materia só chega a catro. E xa que igualar o número entre escritores e escritoras preséntase como unha tarefa altamente complexa, tentamos darlles oco a algunhas. O resultado son diversos carteis que recollen figuras femininas de épocas diferentes: dende tempos pasados da man de Charlotte Brönte ata a actualidade con Margaret Atwood.
Trátase dunha ínfima representación do moito que queda por descubrir. Oxalá o ano que vén ampliemos repertorio, tanto dentro como fóra da aula. Sigamos visibilizando!
O luns, 31 de maio, terá lugar un Encontro co escritor Marcos Calveiro do alumnado de 1º do bacharelato A arredor das novelas Fontán e O xardineiro dos ingleses, e como ramo ás actividades conmemorativas do 17M.
O venres, 28 de maio, terá lugar o agardado Encontro coa escritora Antía Yáñez por parte do Club de Lectura ao abeiro da lectura das novelas Senlleiras e O misterio de Portomarín, e dentro das actividades conmemorativas do 17M.
De novo comprácenos ver o progreso profesional de xente de noso como Alba Rozas que neste caso acaba de tirar á que é a súa primeira novela, A caída de Guiomar, dentro da colección "A miña primeira novela de..." da editorial Contos Estraños que en palabras da autora a "La Voz de Galicia" é unha novela ambientada nun reino mitolóxico, nunha importante cidade dos mouros, Eabaca, un reino que se atopa dividido en tres parroquias. Trátase dun reino que está gobernado por Iomar, pero aparece en escena unha criatura da mitoloxía galega que quere facerse co reino... A historia promete. E para coñecela, tedes á vosa disposición a novela na biblioteca.
