Matemático Rodríguez: Científico Galego do ano 2024

 A BIBLIOTECA DO MATEMÁTICO RODRÍGUEZ

A Real Academia Galega de Ciencias designou o Matemático Rodríguez como Científico Galego do ano 2024, ano no que se cumpre o 200º aniversario do seu falecemento,

Nós, traendo a auga ao noso rego (é dicir á cousa bibliotecaria) lembramos a publicación máis visitada do noso blog, que xustamente se refire á descrición que o matemático fai da Biblioteca da Universidade de Gotinga. Redactámola no 2008 e xurdiu como consecuencia dos preparativos que estabamos a facer para a celebración en 2009 do Ano Internacional da Astronomía que nós iamos centrar en Don Ramón M. Aller. Eran tempos dos inicios plambeiros e agradeciamos moito calquera noticia sobre organización bibliotecaria. Reunir, pois, ese tema con Rodríguez e Aller fíxonos reloucar de entusiasmo.

En 1929, Don Ramón Aller redacta, a petición do Seminario de Estudos Galegos, a biografía de Joseph Rodríguez y González (Bermés-Lalín, 1770 – Santiago, 1824).

Cento e pico anos antes, en 1817, o matemático de Bermés está en Alemaña coa encomenda “de examinar los Establecimientos científicos de aquella Nación”. Especial atención lle mereceu a Biblioteca da Universidade de Gotinga, se cadra por contraste co que estaba afeito a ver, e así o deixou reflectido na carta que remite ao Claustro da Universidade de Santiago, o 1 de febreiro.

Na biografía, Don Ramón transcribe a descrición seguramente como mostra da súa propia idea do que debería ser a organización e a dotación bibliotecaria. A conclusión do biógrafo, despois de ler a resposta do claustro, indúcenos a pensar que, no século XX, as cousas non deberan cambiar moito:

"Por mucho que a los de Compostela interesaran las noticias anteriores, seguramente no las considerarían de mucha utilidad para perfeccionar sus lecciones

y no se les pasaría por mientes imitar en Santiago la Biblioteca de Gotinga." [que xa se sabe que en país de sabidos...]

Un modelo de organización bibliotecaria: Universidade de Gotinga, 1817

Estrelas da ciencia

Gciencia, o xornal galego de ciencia e divulgación dá conta da recente publicación da obra Estrelas galegas da Ciencia. Unha historia de persoeiros e achados asombrosos, de momento só en versión dixital.

Segundo recolle o xornal dixital, os autores confesan que, ao falar das científicas e científicos escollidos, querían construír "unha breve historia da Ciencia en Galicia", e inciden en que se trata dun libro "necesario e sorprendente, para un público infantil e adolescente, pero tamén para adultos con curiosidade pola historia"

A través dos 12 capítulos desta obra descubrimos a vida e obra de 14 científicos e científicas do período que vai desde o século XVII ao XX, entre eles O Matemático de Bermés e o seu biógrafo Ramón Mª Aller Ulloa, astrónomo,  matemático e figura capital na creación do que o noso instituto, ao que acompaña a súa discípula predilecta, Antonia Ferrín Moreiras.

A presenza dezá complétase coa coautora do libro e antiga alumna nosa, Maite Vence, directora de Observer.

Visita ao Centro de Investigacións Biolóxicas (CIBUS)

O mércores 2 de febreiro, o alumnado STEM de 2º do Bacharelato, acompañado pola súa profesora Natalia Fernández, desprazouse ata os laboratorios de Microbioloxía da Facultade de Bioloxía da USC, para levar a cabo unha práctica con bacteriófagos, os virus que infectan as bacterias.

Tras rematar a actividade, pasearon polo Campus Sur, achegándose ata o Observatorio Astronómico da USC que, ao igual que o noso centro, leva o nome do astrónomo de Lalín,  Ramón Mª Aller Ulloa,

Despois de xantar visitaron o Museo de Historia Natural da USC Luis Iglesias, onde puideron apreciar, entre outras moitas cousas, a magnífica colección de minerais e rochas que alí se expón, así como os modelos cristalográficos de madeira que pertenceron ao matemático de Bermés, Xosé Rodríguez González.

Natalia Fernández, Profesora de Bioloxía

 Ao fío da visita, dous dos alumnos do STEM achegáronnos a seguinte reflexión:

"A actividade resultou moi interesante ao non poder facer uso no laboratorio do noso instituto destas técnicas coas que puidemos observar a actuación de bacteriófagos en disolucións con bacterias. Ao mesmo tempo, puidémonos facer unha idea aproximada do que é a vida na Universidade, e ata accedemos ao interior dos edificios das Facultades de Bioloxía e Medicina"

Marta García e Adrián Llinares, 2º Bac. A

Álbum de Galicia

O Consello da Cultura Galega vén de inaugurar o espazo dixital Álbum de Galicia.

Unha colección de biografías de persoas sobranceiras en moi diversos ámbitos, co obxectivo, como indica o propio Consello da Cultura Galega, de "dar visibilidade e perspectiva de conxunto ás numerosas mulleres e homes, xa finados, que contribuíron de maneira significativa á sociedade galega ao longo da súa Historia" e que, "en moitos casos, seguen a ser grandes descoñecidos para o público de todas as idades, de dentro e de fóra do país".
A seguir o enlace a Ramón María Aller Ulloa e a José Rodríguez, o Matemático de Bermés. 

Encontro (dobre) con... Gonzalo Navaza

Vai facer dobre xornada Gonzalo.

Ás once, estará na biblioteca para comentar a súa obra literaria...

Á unha, no Salón Teatro, xuntarémonos os dous institutos de Lalín (e quen queira) para escoitalo falar sobre O matemático Rodríguez e celebrar o Día da ciencia en galego.

Tamén recuperaremos, na entrada do instituto a exposición  O home do saco, un percorrido pola transformación urbanística de Lalín, da man do relato de Erros e Tánatos.

Un modelo de organización bibliotecaria: Universidade de Gotinga, 1817

En 1929, Don Ramón Aller redacta, a petición do Seminario de Estudos Galegos, a biografía de Joseph Rodríguez y González (Bermés-Lalín, 1770 – Santiago, 1824), un dos nosos máis descoñecidos homes de ciencia.

Viaxeiro á procura do saber, O matemático de Bermés desprázase a Alemaña coa encomenda “de examinar los Establecimientos científicos de aquella Nación”... Especial atención lle mereceu a Biblioteca da Universidade de Gotinga, se cadra por contraste co que estaba afeito a ver. Así o deixou reflectido na carta que remite ao Claustro da Universidade de Santiago, o 1 de febreiro de 1817:

“Así, pues, creo un deber dar a V. S. de esta Universidad fundada en 1740; y espero le interesará particularmente la organización de su Biblioteca. Esa ocupa el principal edificio de la Universidad y posee hoy hasta trescientos mil volúmenes. Es muy rica no sólo en lo mejor de todas las ciencias sino también de la Literatura de todas las Naciones europeas. De la nuestra no falta casi nada, y antes de la guerra tenía un corresponsal constante en Madrid que le enviaba todo lo que se publicaba bueno en aquella capital.

El gobierno libra anualmente veinticuatro o veintiocho mil pesetas para gastos de libros, sin los regalos que a veces hacen los hermanos del Príncipe Regente de Inglaterra, discípulos que fueron de esta Universidad por espacio de tres años.

La dirección está a cargo de quatro bibliotecarios profesores, con varios ayudantes, escribientes, y criados a su disposición. Estos cuatro se reparten entre sí los diversos ramos de Ciencias y Literatura a fin de adquirir lo bueno que aparece en estos, y de formar la parte respectiva del catálogo, el cual consta ya de ciento veinte volúmenes en folio. Pero antes de inscribir en éste los libros adquiridos, los profesores de las facultades respectivas forman la censura y crítica conveniente que uno de los bibliotecarios está encargado de inscribir en el diario literario de la Universidad, para que sirva de instrucción a los que deseen aprovecharse de la Biblioteca. Esta se halla abierta una hora al día y dos los miércoles y sábados para la lectura, y a fin de que los profesores y estudiantes, vecinos y vecinas de alguna instrucción pidan y puedan llevar y leer por espacio de un mes los libros que desean. Para esto existe una sala de secretaría con un bibliotecario a quien se dirigen las cédulas de los libros que se piden y el qual los distribuye, un secretario que las conserva y anota y dos criados que traen y conducen los libros a las salas respectivas de la Biblioteca. Las cédulas se entregan un día antes para poder buscar y traer a los estantes de la secretaría los libros de que rezan. Por lo ordinario, las criadas de servicio son las portadoras de aquellas y de éstos; y en verdad que es un placer verlas cargadas con canastos llenos de libros y de todos tamaños. Veinte mil volúmenes son los que ordinariamente se cuentan en esta continua circulación de ida y vuelta, en todo el año. Se exceptúan las obras raras de mucho coste y de muchas estampas. Generalmente en todas las bibliotecas de Alemania existe esta liberal y laudalísima costumbre de prestar los libros con la caución debida.”

Despois de ler a resposta do claustro, o comentario de Don Ramón Aller non deixa dúbidas:

“Por mucho que a los de Compostela interesaran las noticias anteriores, seguramente no las considerarían de mucha utilidad para perfeccionar sus lecciones y no se les pasaría por mientes imitar en Santiago la Biblioteca de Gotinga."
 
E seguimos…