Literiatura [201] : Anèsia de Will Tirando (2) (9)

 Café frío

de Will Tirando

Literiatura [200] : Anèsia de Will Tirando (1) (8)

Lendo mulheres sozinha

Un dos autores máis reproducidos nesta sección é Will Tirando. Anésia, seica inspirada na avoa do autor, é a nosa personaxe favorita. Non nos visitara nunca porque non lle atopabamos unha tirinha aquelada para o noso propósito: a reflexión sobre a lectura e coa lectura. Iso mudou coa parcería do Will e o app para leitores, o Skoob! Que mellor xeito de celebrar a entrada que redondea as duascentas! 

(Seguiremos a ofrecervos máis)

de Will Tirando

Coa nosa xente : Javier Penido Ferreiro

Co gallo da Banda Municipal de Música de Caldas de Reis ser galardoada na Sección Segunda do Certame Internacional de Bandas de Música Ciutat de València, sen dúbida ningunha un dos certames de referencia a nivel mundial, dámoslle a benvida á sección Coa nosa xente ao seu director Javier Penido Ferreiro, quen, verbo do premio, declarou a Nós Diario: “todo o traballo realizado pagou a pena por como fixo medrar á Banda e ás persoas que tocan nela".

Javier Penido en plena dirección / NOSDIARIO.GAL

Moitos parabéns, Javier, para ti como director e xaora para a Banda.

A seguir o noso Javier cando o 2º do Bacharelato: 

Javier no curso de 2º Bac.2011-12. Copyright IES Aller Ulloa

 

Victorino Gutiérrez Aller : In memóriam

Foto : Laiovento (de Nós Diario)

Victorino Gutiérrez Aller "Coco" foi unha desas persoas a quen o noso centro nunca esquecerá pola seu desprendido bo facer. Sempre que requeriamos da súa presenza, acudía con celeridade, seducíndonos co seu saber sobre a vida de seu tío don Ramón ou sobre temas de sociolingüística relacionados co ámbito xurídico. 

A súa xenerosidade para co noso centro tivo un fermoso colofón, "o máis fermoso agasallo" como titulamos no seu momento a doazón de manuscritos de don Ramón. Daquela na Marela publicamos:

Pensabamos que tiñamos algúns libros valiosos, pero agora temos... que temos? Como lle chamamos? Un tesouro? Como o imos administrar? Só somos unha Biblioteca Escolar! Estaremos á altura? A reflexión ten que ser máis longa e así o faremos. Mentres tanto, moitas graciñas, graciñas de corazón, Victorino!

O seu pouso permanecerá connosco.

Por parte, os medios fíxeronse eco do seu pasamento como non podía ser doutra maneira, dada a súa categoría e compromiso de quen foi o autor do primeiro formulario notarial en galego; por caso, Nós Diario, La Voz de Galicia ou Faro de Vigo.

E como non as redes socias, caso de Facebook.

A seguir Mostras do Primeiro caderno-rexistro de observacións 31-10-1924 / 23-9-1926  doado por Victorino Gutiérrez Aller ao centro:

Coa nosa xente : Andrea Ramos Diéguez

Ao fío de ter rematado os seus estudos superiores de Música, traemos hoxe á sección Coa nosa xente á mestra clarinetista Andrea Ramos Diéguez, que vén de facer historia ao se converter na primeira integrante da Banda de Vilatuxe en finalizar ditos estudos superiores de conservatorio. Da boa nova fíxose eco nas redes socias o director Víctor Vázquez Vilariño, quen fora director de Andrea.

De maneira que Andrea pasa a ser a clarinetista que acabou con 80 anos de seca, tal como titula Ángel Graña en Faro de Vigo o seu artigo sobre a nova.

Andrea Ramos Diéguez posa cun dos seus clarinetes / Faro de Vigo (cedida)

 Moitos parabéns, Andrea, e que o éxito te acompañe.

A seguir a nosa Andrea cando o 2º do Bacharelato: 

Andrea no curso de 2º Bac.2019-20. Copyright IES Aller Ulloa

Andrea no curso de 2º Bac.2019-20. Copyright IES Aller Ulloa