Antía Cal estaba a piques de facer 99 anos, case un século de vida no que a súa visión da educación sempre foi por diante das ideas do momento. Así, no ano 1961 funda en Vigo a primeira escola laica de Galicia, ademais mixta, o Colexio Rosalía de Castro, aplicando a pedagoxía da Institución libre de Enseñanza.
Nun primeiro momento o colexio era bilingüe español-inglés, pero moi pronto a nosa lingua tivo cabida tamén nel. Galego en pleno franquismo e inglés da man, sempre, de profesores nativos, como recorda Manuel Xestoso no seu artigo de Nós Diario "A mestra que ensinaba a amar Galicia"
E nunca deixou de formarse, algo que reclamaba para o colectivo do profesorado nunha entrevista a La Voz de Galicia fai 5 anos: "Hai que terlle moito respecto ás mestras, pero tamén teñen que prepararse. Eu fun once anos a Barcelona".
 |
337967289_967602.hthttps://elpais.com/ccaa/2012/05/25/galicia/1ml |
Ningún comentario:
Publicar un comentario