Reportaxe do Encontro-Homenaxe a Mario celebrado na xa Biblioteca Mario Pereira do IES Ramón Mª Aller Ulloa:
31 maio, 2019
Marela para Mario
Ao fío do
Encontro-Homenaxe con Mario xorde esta Marela
tan especial para nós.
Corría o ano
2006, cando Mario propuxo dotar de voz a Biblioteca, nace así o
boletín A Marela Tarabela, e
nace coa emotiva carta É o cuarto dos ratos?, que Mario lle escribiu á Biblioteca.
Case catro anos despois da primeira
Marela Tarabela, en decembro de 2006, e baixo o título Todas as Marelas, Mario deitaba no blog a seguinte
reflexión: A
Marela obedecía ao proxecto de transformación dunha biblioteca pasiva a unha
biblioteca activa. Nese sentido, cumpriu, para nós, un papel moi importante:
serviu para facer visible a Biblioteca ante a comunidade docente e tamén para
que nós, o Equipo de Apoio, puideramos ver o noso traballo. Foron catro anos
densos, moi densos, a por de información, formación e ferramentas que fomos
descubrindo. Catro anos, catro séculos! Con todo, a Marela segue aí...
E agora
comprácenos presentar o Extra nº 1, Marela para Mario, que serve de
pequena homenaxe a quen foi o artífice da mesma como complemento perfecto á
tarefa de Fozabibliotecas, como gusta de
chamarse Mario a si mesmo.
E neste momento
de sentimentos encontrados, co gallo da súa xubilación, temos que sentirnos
orgullos de seguir medrando ao abeiro de Mario, para manter vivo o seu reclamo:
Ven
vindo...
Podededes descargala premendo na imaxe.
28 maio, 2019
Encontro homenaxe a Mario Pereira
O próximo venres, 31 de maio, terá lugar na Biblioteca do centro, dentro do marco dos Encontros con..., un Acto-Homenaxe
ao noso compañeiro Mario Pereira co
gallo da súa xubilación.
Vaia por diante a nosa moita gratitude, os nosos moitos parabéns...
Para máis Mario, preme en Faro de Vigo.
27 maio, 2019
Concerto-recital 50 anos da chegada á Lúa celebrado o 22 de maio
Premendo nesta ligazón podedes acceder as actuacións que formaron parte do noso recordo da chegada á Lúa.
Sirva de exemplo inmediato, o recitado da oda de Neruda feito coa fermosa voz de Andrea Segade.
Deseguido algunhas imaxes do evento:
25 maio, 2019
Entrega de premios do VI Concurso Literario Mª Vitoria Taboada
O
pasado xoves 23 de maio, tivo lugar na Biblioteca o acto de entrega de premios do VI Concurso Literario Mª Vitoria Taboda.
O acto foi presentado por Nuria García Pardo, alumna de 3º ESO, e Rubén Fontán Taboada, alumno de 4º ESO; e contou co acompañamento musical de Lía Montero Presas, ao violín, e Marta García Méndez, ao piano, alumnas do centro.
De novo os nosos parabéns ás persoas premiadas: Alba Lugo Rey, Ainhoa Pereira García e Breixo
Rivas Fernández.
A seguir podedes consultar o programa do acto desenvolvido:
E deseguido unha pequena reportaxe do evento:A seguir podedes consultar o programa do acto desenvolvido:
23 maio, 2019
Medrar e ser. Stop motion para a Biblioteca
O equipo de Cultura Audiovisual propúxose xa hai tres cursos realizar unha curta de animación coa técnica Stop motion, mais diferentes atrancos impediron a súa finalización. No entanto, aproveitando o material este curso o departamento de Debuxo do IES “Ramón María Aller Ulloa” en colaboración coa biblioteca produciu unha curta de animación para promover a Biblioteca, Medrar e ser.
O deseño e a fabricación dos bonecos así como o decorado foi realizado polo alumnado de 1º de Bacharelato de Artes do curso 2015-16 nas materias de Volume, Cultura Audiovisual I e Debuxo Artístico I: Alba Conde Portela, Alejandro Dopazo Taboada, María Ferradás Iglesias, Francisco Galego Sánchez, Aitana Iglesias Rodríguez, María Jácome Iglesias, Adela Otero Vázquez, Andrés Otero Vázquez, Jesús Peña Fernández, Daniel Rama Novoa, Gabriel Alejandro Reverón Vizoso, Ángela Silva Varela, Leticia Varela González, Iria Varela Varela e Alberto Villar Fernández
O alumnado de Cultura Audiovisual II de 2º de Bacharelato de Artes do curso 2018-19 animou e montou os vídeos: Mariana Albarenque Gelós, Noa Blanco González, Sofía Jorge Liñares, Juan José López Rey, Rosa Núñez Martínez, Julieta Itatí Penas Noce, Cristina Polo Pernas, Ainhize Sixto Sánchez e Gustavo Thomé Oliveira.
As voces son de Sofía Fernández Sarria e Breixo Pereira Gaiteiro, alumna e alumno de 3º de ESO do curso 2018-19.
Subscribirse a:
Publicacións (Atom)