29 xaneiro, 2022

Día da Ilustración

Un ano máis o 30 de xaneiro, data que coincide co nacemento de Castelao, conmemoramos o Día da ilustración, evento que se vén celebrando desde o 2014 a iniciativa da entón Consellería de Cultura e Turismo da Xunta de Galicia en colaboración coa Asociación Galega de Profesionais da Ilustración (AGPI).

Cartel do Día da Ilustración 2022 de Paula Mayor  

Este ano, o Día da Ilustración está dedicado á figura de Reimundo Patiño, pintor, gravador e autor de BD, unha das máis sobranceiras figuras da cultura galega da posguerra.

A seguir o vídeo-homenaxe sobre a figura de Reimundo Patiño, producido pola AGPI e a Consellaría de Cultura, Educación e Universidade

Máis información en Bibliotecas escolares de Galicia.

Para conmemorar tal Día da Ilustración, o alumnado de 1º a 3º da ESO, coordinado polas profesoras Begoña Vizcaíno e María Armada e polo profesor Fran Otero, está a elaborar unha serie de ilustracións orixinais, que terán como punto de partida un texto literario e que poderemos contemplar a partir do luns 31 no vestíbulo do instituto.

 

Literiatura (174) : Adão Iturrusgarai (4)

Livro eletrônico

de Adão Iturrusgarai en A vida como ela, yeah!

27 xaneiro, 2022

Día internacional do recordo do Holocausto


Hai hoxe 77 anos, Auschwitz deixou de ter prisioneiros no seu campo de concentración: máis de 7.000 persoas foron liberadas. Soamente quedaban as que non tiveran forzas para marchar uns días antes, cando os propios nazis decidiran evacuar o campo, en previsión da chegada do exército ruso.

Unha das prisioneiras dese lugar de horror foi Ana Frank, alí pasou tres meses (de setembro a decembro de 1944), antes de ser trasladada a Bergen-Belsen, onde morreu, con só 15 anos. 

A historia de Ana (podes atopar o Diario de Ana Frank na nosa biblioteca, así como as BD que mencionamos abaixo), xunto á tensión que estes días se está a vivir na zona de Ucraína deberían facernos reflexionar.


Ficha na MarelaBD

Ficha na MarelaBD

26 xaneiro, 2022

XIV Olimpíada do saber

Un ano máis xa está aquí a XIV Olimpíada do saber. Inscribídevos!

  Formade os vosos equipos e apuntádevos na Biblioteca.

 O prazo finaliza o 3 de febreiro. O luns 7 comezamos.

Coa nosa xente : Benxamín Otero

Unha vez máis congratulámonos do bo facer profesional da nosa xente e neste caso os parabéns van para o polifacético músico de mil músicas, Benxamín Otero, profesor no Conservatorio de Lalín, quen vén de presentar no Museo Ramón Mª Aller Ulloa Aurora e Aller, que Benxamín en declaracións a La Voz de Galicia describe da seguinte maneira: Ilustrei nunha peza musical a aurora boreal vermella do 38.

Unha instantánea do acto de presentación no Museo Aller Ulloa. Foto Bernabé / Javier. Faro de Vigo

A seguir a peza musical Aurora e Aller:

 O noso Benxamín Otero nos seus comezos no instituto:

1º de BUP
Aproveitamos para botarlle unha ollada ás Marelas dedicadas a D. Ramón Mª Aller Ulloa.

 

20 xaneiro, 2022

64 anos con Mortadelo e Filemón

Hai hoxe 64 anos vía a luz o primeiro número das aventuras de  "Mortadelo y Filemón, agencia de información". Naquel momento, a tira humorística publicouse na revista Pulgarcito, da Editorial Bruguera. Hoxe é xa todo un clásico con publicación propia.

Se te achegas á nosa biblioteca poderás gozar dalgunhas das aventuras destas criaturas de Francisco Ibáñez. Lembra que podes consultar na Marela BD a información sobre a nosa colección.

Imaxe: Bruguera, Penguin libros

18 xaneiro, 2022

Exposición : As Venus de Willendorf

O vestíbulo do instituto acolle desde o venres unha máis que interesante exposición que ten como tema As Venus de Willendorf, figuras realizados por alumnado de 1º da ESO so a coordinación das profesoras Marta Otero e Alba Payo.
 

En palabras da profesora Alba Payo, o alumnado de 1º da ESO meteuse na pel dun homo sapiens da Prehistoria e elaborou en arxila unha venus paleolítica seguindo o modelo da Venus de Willendorf. Traballando coas mans moldearon estas esculturas femininas con todos os seus detalles. Pouco a pouco foron perdendo o seu pudor e resaltaron coa mesma naturalidade coa que fixeron os nosos antepasados e as nosas antepasadas as formas voluptuosas relacionadas coa fertilidade e a reprodución. Son todas diferentes como cada unha das que foron descubertas ao longo de Asia e África.

A seguir o folleto cos carteis informativos da exposición e unha pequena reportaxe gráfica da mesma:
 







15 xaneiro, 2022

Uxío Novoneyra xa descansa no Courel

Uxío Novoneyra, o poeta do Courel, pedira ser enterrado na súa terra, na horta da súa casa en Parada do Courel, pero á súa morte, o 30 de outubro de 1999, iso non era posible.
Desde onte xa repousa onde el desexaba, seguindo, segundo o seu fillo Uxío Novo, unha "tradición en Europa e Estados Unidos de que escritores de renome sexan enterrados na súa casa e cun memorial que poida ser visitado".

Courel dos tesos cumes que ollan de lonxe!
Eiquí síntese ben o pouco que é un home...

Os eidos

Imaxe de https://uxionovoneyra.com/casa-museo/
 
Unha recomendación, visitar a páxina web da Fundación Uxío Novoneyra





11 xaneiro, 2022

VIII Concurso Literario Mª Vitoria Taboada : o libro



Unha vez máis, e xa van oito, comprácenos presentar o libro cos textos premiados no VIII Concurso Literario Mª Vitoria Taboada, con ilustracións achegadas por alumnado do Bacharelato de Artes.
Agardamos que vos agraden a lectura e a observación das ilustracións.
 

I Concurso de Microrrelatos de Nadal : O libro



Vén de saír do forno o libro cos textos premiados e enviados ao certame do I Concurso de Microrrelatos de Nadal.
Parabéns a todas e a todos pola creatividade demostrada.
Agardamos que vos preste a súa lectura.