25 febreiro, 2021

Día de Rosalía : Compartindo poemas


Poemas para compartir
resultou todo un éxito de participación e as carteiras e os carteiros non daban feito a repatir os poemas rosalianos que unha gran porcentaxe de alumnado dedicou a aquela persoa da comunidade educativa que quixer: compañeiros/as, profesorado, persoal non docente...

Sen dúbida un día moi rosaliano, do que deixamos constancia gráfica, con vídeo e fotos de Daniel Santalla para DZ Dixital

A caixa do correo na que se depositaron as cartas poéticas

As cartas ordenadas por cursos, ou profesorado ou..., agardando ser repartidas

Carme, impulsora da actividade rosaliana

As carteiras e os carteiros antes do reparto

Entregando o correo para repartir
As cartas poéticas xa case están todas en mas das/dos carteiras/os
Carteiros polos corredores do instituto levando as cartas poéticas
Carteiras repartindo o correo
En plena faena
Lendo os poemas agasallados

Que emoción!


Literiatura [156 ] : Alireza Pakdel

[Á espreita]


de Alireza Pakdel en Resistart


23 febreiro, 2021

Día de Rosalía

 Celebramos o Día de Rosalía coa actividade "Poemas para compartir". Que mellor agasallo que un poema de Rosalía!

E como complemento á actividade propoñemos:

1. Canto sabes de Rosalía? Xogo didáctico suxerido por GCiencia a base de preguntas sobre Rosalía. Animádevos, a ver se as atinades todas.

2. Ler o Manifesto da AELG no Día de Rosalía de Castro 2021.

3. Un paseo literario pola Compostela de Rosalía en Nósdiario.gal.

4. Rexurdimente : Vídeo que o grupo De Vacas vén de publicar nas redes sociais ás portas do Día de Rosalía e do 8M. Un encontro entre Rosalía (a nosa) e Rosalía (a outra) en base a "Malamente". A seguir o vídeo:

21 febreiro, 2021

Día da Lingua Materna : sen TikTok, pero con Valentín e Xela Arias

No marco da celebración do Día da Lingua Materna non está de máis denunciar políticas lingüísticas baseadas no neoliberalismo lingüístico e no uso recesivo das linguas minorizadas e/ou minoritarias como a levada a cabo por Tiktok ao impedir o uso da lingua galega na campaña da Xunta #aculturasegue para fomentar o consumo cultural a raíz do impacto no sector da pandemia. E nin a actitude compensatoria do DígochoEu e quen de modificar a consideración de lingua de segunda para o galego.

A seguir o vídeo censurado por usar a lingua galega:

 

E para compensar, o fermoso relato (recuperado pola RAG) de Valentín Arias Xeliña fala galego, no que narra a experiencia como nena criada en galego da súa filla Xela Arias, á que se lle dedica este ano o Día das Letras Galegas.

Preme na foto para ler o relato.

Xela Arias e o relato de seu pai, Valentín Arias. Xulio Gil / RAG


 


20 febreiro, 2021

Día da Lingua Materna : Língu di gente antigo

Quen anda aí?

Lembramos a quebra na transmisión do galego no Día Internacional da Lingua materna.

Este poema de José dos Santos Ferreira, mergúllanos na mágoa da perda. (Que será ao final da doce lingua de Macau?

Língu di gente antigo di Macau
Lô disparecê tamên. Qui saiám!
Nga dia, mas quanto áno,
Quiança lô priguntá co pai-mai
Qui cuza sä afinal
Dóci paiaçam di Macau?

                 (Poema en patuá macaense , crioulo de base portuguesa)

 

19 febreiro, 2021

Día da Lingua Materna con Guadi Galego

Neste 2021, “as comunidades con lingua cooficial celebran o Día da Lingua Materna  outorgándolle o Premio á Promoción da Realidade Plurilingüe do Estado Español a Guadi Galego polo seu disco Immersion, que incorpora músicas cantadas en sete linguas do Estado, para o que conta con colaboracións chegadas de toda a Península, como Ivan Ferreiro, Ana Bacalhau, Lisandro Aristimuño, Clara Peya e Judit Neddermann, Andrés Suarez ou Mikel Urdangarin”.

      

18 febreiro, 2021

Prexuízos fóra!

Ás portas da celebración do Día da Lingua Materna, quedamos pampos, seica no Senegal se fala castelán. (Sentenciou Pío).

13 febreiro, 2021

Entroido 21. Habelas hainas!

Malia as restricións derivadas da pandemia, un pouco de Entroido non ben nada mal nestes momentos en que estamos a pasalas tan negras. Secasí que un grupo de bruxas-meigas se deu cita no instituto na compaña de algún que outro bruxo-meigo, caso do Gandalf-Merlín ou o dun bruxo saído de "Häxan" de B. Christensen e que parecía portar na man O Ciprianillo; e como non, unha banda de bruxas-meigas vedoiras preparadas para a celebración dun aquelarre anti-coronavirus.

E a pesar de posíbeis meigallos levantamos testemuña gráfica do feito. Por certo, quen e quen?:





Mouchos, curuxas, sapos e bruxas.

Demos, trasnos e diaños, espíritos... 

(tal como no esconxuro da queimada)

Meigas fóra!

P. D.: Do acontecido no aquelarre xa falaremos noutro momento.

12 febreiro, 2021

11F. Mesa redonda e As ciencias escríbense en feminino: Os actos


A seguir unhas imaxes dos actos celebrados no centro o 11F para conmemorar o Día Internacional da Muller e a Nena na Ciencia, coordinados polas profesoras Natalia Fernández e Raquel Honrubia, respectivamente:

Mesa redonda online coa participación de científicas de distintos ámbitos que falaron sobre as súas experiencias e os seus traballos de investigación, así como das oportunidades de futuro ao alumnado de 1º do Bacharelato de Ciencias.





  

As ciencias escríbense en feminino”, xornada divulgativa en liña para conmemorar a efeméride do 11F, que tivo como destinatario o alumnado do STEMBach (1º e 2º).






11F. Encontro con Yolanda Pazos: o acto.


O pasado 10 de febreiro no marco da celebración do 11F (Día Internacional da Muller e a Nena na Ciencia) tivo ligar o anunciado Encontro coa oceanógrafa Yolanda Pazos que disertou sobre O fitoplancto nosa vida ao alumnado de 1º do Bacharelato de Ciencias

A seguir unha pequena reportaxe gráfica do acto, coordinado pola profesora Natalia Fernández.






 


Entroido 2021

Malia as restricións derivadas da COVID-19, celebramos unha vez máis o Concurso de carautas de Entroido, organizado polo Departamento de Deseño, e a posterior exposición no vestíbulo.

Na categoría da ESO resultaron premiados:

María Villamarín Silva que logrou o primeiro premio e Martín Díaz Rodríguez que obtivo o segundo, ambos de 1º da ESO D.

Na categoría de Bacharelato resultou gañadora Suevia García García do 2º de Bacharelato B.

Parabéns ás persoas gañadoras e a todas e todos os e as participantes.
A seguir unha pequena reportaxe gráfica da exposición das carautas do concurso coas persoas gañadoras:


Suevia, Martín e María coas súa srespectivas carautas premiadas

Aquí posan cos premio e as profesoras María e Nelly compartindo Entroido

Unha panorámica das carautas

Alumnado de Artes facendo críticaO

Outra panorámica das carautas

09 febreiro, 2021

11 F: Día Internacional da Muller e a Nena na Ciencia

 

O 11 de febreiro celebrase o Día Internacional da Muller e a Nena na Ciencia, e malia as restricións derivadas da pandemia da COVID-19, sumámonos á conmemoración con diversas actividades coordinadas polo Departamento de Bioloxía:

 1.  Mesa redonda organizada polos centros singulares da USC: CiQUS, CIMUS, CiTIUS e IGFAE, coa participación de científicas de distintos ámbitos, que lles falarán ao alumnado do 1º do Bacharelato A de Ciencias das súas experiencias e dos seus traballos de investigación, así como das oportunidades de futuro. Coordina a profesora Natalia Fernández.

 2. As ciencias escríbense en feminino”, unha xornada divulgativa en liña para conmemorar o Día Internacional da Muller e a nena na Ciencia, organizada polo Concello de Santiago, a través do CEXTEC e Talentia Summit, destinada ao alumnado do STEMBach (1º e 2º). Coordina a profesora Raquel Honrubia.

 

A maiores, propoñemos a toda a comunidade escolar ver as películas:

Figuras ocultas, que narra a historia de tres brillantes mulleres científicas afroamericanas que traballaron na NASA a principios dos anos sesenta no proxecto de poñer en órbita o astronauta John Glen, en plena carreira espacial, tendo como pano de fondo a loita polos dereitos civís dos negros estadounidenses.

Preme no cartel publicitario da película para ver o tráiler oficial da mesma:

Próxima, que narra a historia de Sarah, unha astronauta francesa que se adestra na Axencia Espacial Europea en Colonia, sendo a única muller dentro do esixente programa. Sarah vive soa coa súa filla de sete anos Stella, sentíndose culpábel por no poder pasar máis tempo coa rapaza. E cando Sarah é elixida para formar parte da tripulación dunha misión espacial de un ano de duración chamada Próxima, daquela prodúcese un afastamento na relación entre nai e filla.

Preme no cartel publicitario da película para ver o tráiler oficial da mesma: