30 xuño, 2021

Códice Rico e Códice dos Músicos : de libre consulta na Rede

A literatura galega e universal, a cultura, a historia, a música, a banda deseñada... están de parabéns, estamos todas e todos, xa que por fin poden ser consultados en liña o Códice Rico que recolle 193 composicións, con notación musical e 1.264 miniaturas;

e o Códice dos Músicos ou Escurialense, que inclúe 417 cantigas con 40 miniaturas e notación musical.

Son dous dos catro manuscritos das Cantigas de Santa María de Afonso X o Sabio que neste caso garda a biblioteca do mosteiro de San Lorenzo do Escorial, que mellor nova para celebrar o oitavo centenario de Afonso X. 
No seu momento, a Real Academia Galega solicitou a Patrimonio Nacional que ambos libros puidesen ter libre acceso na Rede, como xa ocorría cos outros dous códices, conservados na Biblioteca Nacional de España e mais na de Florencia. 

 

28 xuño, 2021

Graduación 2021 : as fotos

 Faltaba a reportaxe gráfica da cerimonia de Graduación 2021 e, como non, o noso reporteiro oficial, Carlos, achéganos unha selección para o recordo. Que elegancia e saber estar!










26 xuño, 2021

Graduación 2021 : o vídeo

Como xa é sabido, a Graduación da Promoción 2021 de 2º do Bacharelato levouse a cabo coas restricións derivadas da pandemia, de aí que o acto se ofrecese en rigoroso directo ás familias a través da canle que o Aller Ulloa ten en Youtube.
Premede en calquera das dúas imaxes para ver en diferido todas as veces que queirades o acto, emotivo e festeiro.
De novo moitos parabéns a todas e a todos.



 En breve, as fotos.


24 xuño, 2021

Ao fío da excursión a Portomarín do Club de lectura

Ao fío da excursión a Portomarín do Club de lectura,  na Marela recibimos tres interesantes reflexións sobre a novela que motivou a viaxe, O misterio de Portomarín, e outra sobra a propia viaxe.

"Primeiro Portomarín e logo Castrelo do Miño..."

Gustoume moito o libro "O misterio de Portomarín" xa que  me tira moito este tipo de libros e a súa trama, cada vez que pasaba ao seguinte capítulo do libro enganchábame máis. Pareceume un libro moi bo e entretido, sobre todo ao final, xa que ten moita intriga e éntrache máis curiosidade sobre o que vai pasar despois. Recomendo esta obra ao 100%, tanto para adolescentes como para persoas máis vellas ca min.

Martin Díaz 

A min este libro gustoume moito. A trama paréceme moi interesante e fai que te enganches ao libro. É unha obra adecuada para a nosa idade, xa que non ten un vocabulario moi complexo e está todo moi ben explicado e narrado. Tamén me gusta a presentación: tanto a portada do libro, como a distribución dos capítulos. 

María Villamarín

O misterio de Portomarín gustoume moito porque cada vez que rematabas un dos capítulos, este enlazaba co seguinte e sempre quedabas coa intriga ata o final do libro. Tamén hai partes interesantes sobre a historia de Portomarín, coma a historia do embalse de Belesar.

Samuel Fernández

Sobre a excursión

A viaxe a Portomarín gustoume moito xa que coñecín un lugar novo na nosa terra galega. Nunca cheguei a pensar que un albergue fose coma o que vimos, cheo de liteiras, e, sobre todo, impactoume un cartel que vin alí que poñía “Silencio a partir das 23:00 h”. 
A igrexa de San Nicolao pareceume preciosa e coñecer a súa verdadeira historia do porqué se fixo así tamén. Despois de todo iso, fixemos a camiñada do río Loio, sendo este un hábitat natural único de Galicia, foron 7 km de chuvia, risas e ganas de chegar a ese final onde nos esperaban aqueles marabillosos xeados, que sabían xenial!

Samuel Fernández 

Así mesmo o alumnado do Club de lectura elaborou unha completa reportaxe gráfica sobre o evento:

Á esquerda, as pedras numeradas de San Nicolao (Antón). Á dereita, o río Miño (Xiana)

Ruta do Loio de Samuel e Xiana, respectivamente

Á esquerda, igrexa de San Pedro (Samuel); á dereita, San Nicolao (Iris e Uxía)

Á esquerda, Ponte da Retorta (Iris e Uxía); á dereita, fervenza (Samuel)

Igrexa de San Nicolao, fachada e porta (Martín Díaz)

Á esquerda, igrexa de San Pedro (María); á dereita, fonte fronte a igrexa (Martín Díaz)

Casa onde apareceu o óso (María) e casa asolagada (Martín Díaz)

Á esquerda, Hotel Ferramenteiro; á dereita, inicio da ruta do Loio (Iris e Uxía)

Á esquerda, alambique (Carlos); á dereita, escalinata e capela das Neves (María)

Á esquerda, xoaniña na lavanda (Antón); á dereita, flor de romeu (María)

Á esquerda, marca de canteiro en San Nicolao (Antón); á dereita, igrexa de San Nicolao (Carlos)

                               Á esquerda, fervenza (Carlos); á dereita, fervenza da Ruxidoira (Antón)

Carballo milenario (María)

Ponte nova sobe a vella (María)

A tropa do Club de lectura

23 xuño, 2021

Despedida científica

Co título de Despedida científica (toda unha declaración de intencións), a profesora de Bioloxía, Raquel Honrubia desenvolveu unha actividade de achegamento do alumnado ao mundo da ciencia. 

Raquel explícanos dun xeito claro o proceso: O último día de clase, o alumnado de 4º da ESO tivo unha "Despedida científica" na que a temática xirou arredor da molécula de ADN. Tras comentar algúns datos curiosos desta molécula, así como as principais aplicacións do seu estudo no eido da xenética, os tres grupos realizaron unha extracción de ADN caseira, con materiais presentes en calquera cociña que se prece (xabón, sal...).  Con esta pequena práctica, o alumnado puido ver que se pode facer ciencia e comprender procesos moi relevantes a nivel biolóxico sen grandes medios materiais. 

Desde a Marela aproveitamos a nova desta actividade para render unha pequena pero sentida homenaxe de despedida a Raquel pola súa total entrega e profesionalidade. Foi todo un pracer. Moita sorte, a porta sempre estará aberta para ti.

 












 

22 xuño, 2021

Eclecticismo estilístico : Agrupación Don Lucas

O luns, 21, tivo lugar no Auditorio Municipal de Lalín o concerto pedagóxico “Eclecticismo estilístico” a cargo da Agrupación Don Lucas, ensamble formado por alumnado dos dous institutos de Lalín. Concerto dirixido por David Fiuza. Precisamente a idea partiu de David Fiuza e foi apoiada pola subdirección do centro na persoa de Santiago Cerviño. 
O alumnado destinatario foi o de 2º e 4º da ESO, que acudiu ao Auditorio en dúas quendas, para deleitarse coas pezas programadas.
 

 


Escritoras na Literatura Universal

A partir do luns, 21, na Biblioteca pódese ver a Exposición de murais "Escritoras na Literatura Universal" realizados polo alumnado de Literatura Universal de 1º do Bacharelato, coa coordinación da profesora Adriana Iglesias, organizadora da actividade.

Posando diante do panel cos murais


 Ao fío da exposición, Adriana achéganos a seguinte reflexión:

Nas últimas semanas, o alumnado de Literatura Universal de 1º do Bacharelato realizou unha pequena investigación sobre escritoras, comprobando que o número das estudadas na materia só chega a catro. E xa que igualar o número entre escritores e escritoras preséntase como unha tarefa altamente complexa, tentamos darlles oco a algunhas. O resultado son diversos carteis que recollen figuras femininas de épocas diferentes: dende tempos pasados da man de Charlotte Brönte ata a actualidade con Margaret Atwood.

Trátase dunha ínfima representación do moito que queda por descubrir. Oxalá o ano que vén ampliemos repertorio, tanto dentro como fóra da aula. Sigamos visibilizando!