25 abril, 2014

[Rescate VII] E que tal o tempo (hai cincuenta anos)?

Entre eses documentos, xerados no instituto, que temos a obriga de custodiar, están os rexistros meteorolóxicos que -nunha pequena estación do centro- se obtiñan para remitirlle ao Servicio Meteorológico Nacional.

Trátase de formularios de carácter mensual nos que se recollen temperaturas e precipitacións. Os máis antigos son de febreiro de 1957 e os máis recentes de maio de 1966.

Se vos apetece ter unha idea de como eran, aquí tedes os correspondentes a 1964, é dicir, os de hai cincuenta anos.

Temperaturas 1964


Chuvias 1964

03 abril, 2014

R. 20.500


Chiripitifláutico ¡... es Don José!
Xa que ninguén atinou que o noso rexistro 20.000 se correspondía con Dúas caras moi atentas de Celso Fernández Sanmartín, imos poñer máis fácil a pregunta sobre o rexistro 20.500.

O fozabibliotecas que o pediu deixouse levar (nunca tal fixera)  por unha subelada de nostalxia (se cadra, de melancolía) que lle esgazou o peito nada máis ver a capa.

Cuestións:

1. En que tramo de idade andará o tal fozabibliotecas?
a) Entre os 10 e os 30 anos.
b) Entre os 30 e os 40 anos.
c) Entre os 40 e os 50 anos.
d) Máis dos 50 anos.
e) Moitinísimo máis dos 50 anos.

2. Pode un fozabibliotecas, xa non demasiado novo, ceder ante unha debilidade persoal como esa?
a) Si
b) Non
c) Depende do seu entusiasmo por Locomotoro