Club de lectura "O teodolito"

Ben sabedes que o instrumento preferido de Don Ramón Aller era o teodolito Troughton & Simms. Por iso escollemos ese nome para o noso club de lectura de ciencias.

É un club no que propoñeremos todo tipo de documentos (libros, filmes, banda deseñada, páxinas na rede...) sobre un tema relacionado coa ciencia e/ou a tecnoloxía para charlarmos sobre el.

Inscríbete antes do venres 25.

Á busca do tempo perdido. 100 anos.

Páxina manuscrita, dixitalizada pola BNF

Estamos a piques de celebrar o centésimo aniversario da publicación de Du côté de chez Swann, o primeiro dos sete tomos de À la recherche du temps perdu. Aínda que Marcel Proust comezou publicando diversos fragmentos en Le Figaro, en 1912, non será até novembro de 1913 cando saia do prelo o volume inaugural.

Para celebralo, a BNF dixitalizou os manuscritos de toda a obra e ponos á nosa disposición. 

A nós parécenos unha boa ocasión para ler (ou volver ler) a grande obra de Proust e, dado que Xesús Riveiro Costa nos agasalla coa súa tradución de Pola banda de Swann desde Bivir, a biblioteca virtual (descarga en PDF) da Asociación de tradutores galegos, case quedamos sen escusas.
-

Gustaríame crer..., por Carl Sagan e Gavin Aung Than

Volven resoar con maior intensidade os tambores de guerra. Cómpre non demaiarmos e sumar palabras (con debuxo, neste caso) por se, algunha vez, son ouvidas.

Noutra ocasión xa vos comentamos a nosa relación con Zen pencils. Gavin Aung Than, o seu autor, refírese a Carl Sagan como "o profesor que nunca tivo" e el mesmo nos explica que a cita que inspira esta historieta inclúese nun artigo da revista Parade, de 1996. Carl Sagan finou o 20 de decembro dese ano e redactou o artigo no hospital, ás portas da morte.

Sumemos palabras.


Uploaded with ImageShack.us  

 [A tradución é de Manuel Conde]

Arte e ciencia

Se boa idea é O día da ciencia en galego, boa o é tamén a de dedicárllelo a varios temas e persoas.

Este ano tócalle á Arte e á Ciencia e á Estatística.

As persoas lembradas serán Isaac Díaz Pardo, Richard Buckminster "Bucky" Fuller e Florence Nightingale.

A pesar de que aínda falte un chisco para o 4 de novembro, imos mirando algo para rillarmos polo verán. Con esa idea recollemos este vídeo co que demos no magnífico Principia Marsupia:

Permanentemente, Pico

Deixounos o home. Escolleu este ano que quería ser o ano do teatro.

Podes lembrar a súa ampla obra.

Tamén a través de 18 vídeos, ofrecidos polo CCG.

De entre todos os seus traballos, nós temos que esmelgar esta caracterización:

Pico como Don Ramón en Ramón María Aller, astrónomo de J. A. Docobo

  
Xosé Manuel Olveira, graciñas por todo.
-