Día internacional do libro e dos dereitos de autor

O 23 de abril de de 1564 morría Shakespeare, tamén un 23 de abril, pero de 1616, falecía Garcilaso de la Vega e Miguel de Cervantes erra enterrado.  Aínda que durante moito tempo se dixo que Cervantes tamén morrera o 23, un cambio do calendario xuliano ao gregoriano está na base do equívoco.

Sexa como for, esa foi a data escollida pola Unesco para celebrar, desde 1995, o día do libro. E na biblioteca do IES Ramón Mª Aller Ulloa fixemos unha selección de carteis que nos recordasen a data. Cartelaría que o alumnado de 2º curso do Bacharelato de Artes aproveitou para facer un estudo crítico.

E os clubs de lectura non quixeron deixar pasar estes días sen celebrar os libros. Así, os máis pequenos, ABCD e Rabo Rizado, compartiron contos, lendas e kahoots este venres 22 con alumnado de español do Liceo Pitagora Selargius e a súa profesora Paula Gómez González. Podedes ver a reportaxe gráfica en  Trama Irmau.

Os máis grandiños, Tarabelos I e II, participarán o vindeiro mércores no itinerario literario "As Ramonas" da man da escritora Ana Cabaleiro.

23A : Día do Libro. "A portada son eu / somos nós"

De cara ao 23 de abril, Día do Libro, propoñemos como actividade " A portada son eu / somos nós", coordinada por Luísa Areán e Uxía Nogueira, que tenta unir lectura e creación artística. 

O concurso, tal e como se recolle no cartel, consiste en:

1. Montaxe fotográfica complementar da portada dun libro.

2. O/A protagonista da portada do libro podes ser ti ou a túa familia.

3. Aberto á participación de toda a comunidade educativa: alumnado, familias...

4. As portadas débense de enviar a: marela@iesallerulloa.es

5. O prazo de presentación remata o 21 de abril.

6. Haberá dous premios de 30 €, un para a fotografía máis orixinal e outro para a que mellor complete a portada.

7. O fallo do xurado, integrado por profesorado do centro, será inapelábel.

7. Farase unha exposición coas montaxes fotográficas seleccionadas, que quedarán a dispor do IES Aller Ulloa. Tamén se realizará un vídeo.

Ao fío de... Exposición de carteis do Día do libro

O 23 de abril celebramos o Día internacional do libro e dos dereitos de autor, e o noso alumnado de Artes aproveitou para facer unha clase práctica coa súa profesora de Deseño, María Armada, e criticar, de maneira construtiva, os diferentes carteis, tal e como deixamos constancia no seu momento (ver enlace).

Agora xa vos podemos achegar as súas propostas para o cartel do Día do libro 2023. De momento son bosquexos, así nolo recordan os seus autores e autoras. Polo deseño definitivo teremos que esperar ata abril.

 Estes bosquexos xa teñen o seu sitio nos corredores do Instituto, a carón da figura homenaxeada nestas Letras Galegas 2022.

Encontro con Educalecrín

 Os días 15, 16 e 23 de abril o alumnado de 1º, 2º e 3º da ESO terá un Encontro con Verónica Ledo Lançao e Natalia González Coego de Educalecrín. 

As charlas e os obradoiros xirarán arredor do tema "Nova ética ecosocial: Unha educación diferente para un mundo diferente".

No cartel promocional damos conta dos diferentes obradoiros a desenvolver:

Libros prohibidos

Desde o IES de Mugardos achégannos este vídeo Libros prohibidos (IES de Mugardos) para que recordemos que ler con liberdade non sempre foi posible. E hoxe en día tampouco nos libramos da censura, segundo onde nos tocase nacer. 

Estes que eles nos presentan, se queres, podes levalos en préstamo da nosa biblioteca. Celebra o 23 de abril lendo.

Día de Neira Vilas

De novo o noso centro súmase á iniciativa da Fundación Xosé Neira Vilas de celebrar o 3 de novembro o "Día de Neira Vilas", ao abeiro da conmemoración do seu nacemento; e non está de máis lembrar a Marela dedicada a “Memorias dun neno labrego”:

 

Así como o Encontro con Xosé Neira Vilas, de 23 de abril de 2012: