8 de marzo: Día Internacional da Muller

O venres, 8 de marzo, conmemoraremos na Biblioteca o Día Internacional da Muller cun acto poético-reivindicativo e coa inauguración da sección Feminismo e problemática da muller, malia ser este un tema que, ademais de ter a súa CDU no marco das Ciencias sociais, forma parte de xeito xenérico da base documental da Biblioteca. Unha pequena contribución á formación do alumnado de cara ao logro dunha sociedade máis xusta e tolerante que só será posible no marco da igualdade de xénero.

O cartel de dobre cara, localizador do espazo Feminismo, é obra do noso compañeiro Anxo Sebas.