25 xaneiro, 2023

XV Olimpíada do saber

O mes de febreiro está ao caer, e con el seica chegaban as cegoñas, antes de que o cambio climático as invitase a pasar o inverno con nós. Pero no IES Aller Ulloa febreiro é sinónimo de Olimpíada do saber, competición lúdica, ao tempo que didáctica, na que os nosos cativos e as nosas cativas buscan información, traballan en equipo, xogan e gañan; porque para a Biblioteca Mario Pereira todos as persoas participantes son campións e campioas.

A inscrición xa está aberta, só tes que formar parte do alumnado da ESO, buscar dous ou tres compañeiros ou compañeiras, e pasar pola Biblioteca para que collamos os datos do teu equipo. 





 

Ningún comentario: