Mil primaveras máis

Velaquí o está. Realizado por  Noel Queipo, coa voz de Malores Villanueva e coa música de Antonio Vivaldi (A Primavera, tu! Que ben se implicou este italiano!) é o primeiro "mil primaveras" de Prolingua.

Gústanos ver ao Suso de Laro (unha toupa con moito aquel) abrir o vídeo desde Ribadeo (ten ou non ten aire de Clint?), pero máis nos gusta ver os nosos, aí no 2:45.


Graciñas, Santi!

Literiatura [29] : Manel Fontdevila

[Enganchado á lectura]

de Manel Fontdevila en El diario.

Eleccións municipais: Cuíña dá a sorpresa

O títular desta noticia podería servir para mostrar algúns trucos do xornalismo: o xogo entre o que o lector espera cando acode ao reclamo da letra grande e o que realmete se conta no corpo. Non hai mentira, pero non ten que haber verdade.

Como xa comentamos aí atrás, varias das ligazóns a documentos relacionados con diversas actividades fóronse perdendo e estamos tratando de recuperalos pouco e pouco.

Un deles (que moito estimamos) é o informe realizado polo alumnado de 3º de BUP do curso 1978-79, sobre as eleccións municipais de 1979. Fora elaborado co propósito de recadar cartos (a 25 ptas., o exemplar) para a excursión e publicitábase coa idea de “informar... ya que algún periódico publicó los resultados equivocados”.

Ademais dos resultados mesa por mesa, recollía unha entrevista (precedida dunha pequena introdución informativa/valorativa) con cada un dos cabezas de cartel das cinco candidaturas: Candidatura independiente, Coalición Democrática, Unidade Galega, UCD e PSOE.

O alumnado de terceiro lamentaba a alta abstención (o 56%), pero non advertía da ausencia total de mulleres naquela primeira corporación democrática...

Ano Internacional da Luz: A cámara escura

No ano internacional da luz non podía faltar a cámara escura.

A experiencia realizouse nas aulas de 1º de ESO,  baixo a dirección do Departamento de Debuxo e de Xulia Ferradás (alumna de máster de profesorado) e co apoio do alumnado de 1º BAC de Artes.



_

Entrega de premios do II Concurso literario "Mª Vitoria Taboada"

Hoxe ás 13 da tarde entregamos os premios do II Concurso literario "Mª Vitoria Taboada".

De microrrelato

Primeiro premio: Laura Mariño García. 

De relato curto

2º accésit: Xosé Manuel Fernández Taboada.

1º accésit: Elvira Nercellas Rodríguez.

Primeiro premio: Mª Eugenia Gil Pallares.

De poesía

Primeiro premio: Mariña Castro Fontao.

Andrea e Christian presentaron o acto.

O Cuarteto de saxos de Lalín (Víctor, Carlos, Javier e Rubén) puxo o acompañamento musical.

Axiña disporemos da publicación impresa dos traballos premiados e da reportaxe documental realizada polo alumnado de Cultura Audiovisual.

Literiatura (28) : Estevão Ribeiro

Os XII trabalhos de Héctores

de Estevão Ribeiro en Os passarinhos.

Ano Internacional da Luz

Non vos despistedes e botádelle unha visual á exposición toc-toqueira sobre o ano internacional da luz.

Na confección do cuestionario

Ademais, neste caso celebramos que as preguntas do cuestionario-guía que acompaña a exposición fosen elaboradas polo alumnado de PDC:
-

A gran guerra [XIV] : 14 longametraxes sobre a guerra do 14

Como todas as seleccións, esta ha ser discutible. Escollemos catorce filmes  (+1) sobre a guerra do 14 nos que quixeramos que houbese para todos os gustos e tratamentos.

• Sin novedad en el frente (1930) / Lewis Milestone (dir.)
• La gran ilusión (1931) / Jean Renoir (dir.)
• Adiós a las armas (1932) / Frank Borzage (dir.)
• La reina de África (1951) / John Huston (dir.)
• Senderos de gloria (1957) / Stanley Kubrick (dir.)
• Lawrence de Arabia (1962) / David Lean (dir.)
• La vida y nada más (1989) / Bertrand Tavernier (dir.)
• El barón rojo (1971) / Roger Corman (dir.)
• Johnny cogió su fusil (1971) / Dalton Trumbo (dir.)
• Gallipoli (1981) /  Peter Weir (dir.)
• Largo domingo de noviazgo (2004) / Jean-Pierre Jeunet (dir.)
• Feliz Navidad (2005) / Christian Carion (dir.)
• Flyboys (2006) / Tony Bill (dir.)
• War Horse : Caballo de batalla (2011) / Steven Spielberg (dir.)

E a maiores:

• Mata Hari (1931) /  George Fitzmaurice (dir.)

Fotograma de Johnny cogió su fusil

Guía de campo para a interpretación do feísmo na paisaxe galega

Guía de campo para a interpretación do feísmo na paisaxe galega é o libro de Pablo Ramil Rego e Javier Ferreiro da Costa sobre ese fenómeno tan propio da nosa paisaxe como é nulo coidado que poñemos no seu mantemento.

O humor que destila non lle resta rigor ao tratamento, nin  eficacia á denuncia.
 
Está publicado pola Asociación Científica Horreum en colaboración co Grupo de Investigación 1934 – Territorio e Biodiversidade do Instituto de Biodiversidade Agraria e Desenvolvemento Rural (Ibader) da USC, e co Observatorio Galego do Territorio.

Pódese baixar en PDF. 

Velaquí, un parágrafo do prólogo:

En Galicia a escasa protección que se outorga ás paisaxes excepcionais, cotiás ou degradadas, e a escasa participación nos procesos de identificación e cualificación das paisaxes, propiciou distintos movementos sociais na súa defensa. A eles debémoslles a cuñaxe de novos termos e conceptos, como a "eucaliptización", o "ladrillazo", ou o "feísmo". Co termo feísmo trátase de aglutinar un conxunto heteroxéneo de actuacións efectuadas polo ser humano sobre a paisaxe, froito da introdución de elementos alleos ou construcións distorsionantes que afastan un escenario ou un tipo concreto de paisaxe do seu estatus de "excepcional" ou "cotián". A percepción resulta aquí, como na propia definición que o Convenio de Florencia acuña sobre a paisaxe, o elemento clave. Non exento de subxectividade, pero tamén non exento de criterios ou concepcións aceptadas pola maior parte da cidadanía.

Foi  sabérmolo grazas a Galicia confidencial e querermos compartilo convosco. Tamén vimos a nova no xornal da USC.

Literiatura [27] : Doug Savage

Snake Library

por Doug Savage en Savage Chikens.