8M. 13 mulleres que escribiron a historia en feminino. 13 mulleres con coraxe : o libro

Vén de saír do prelo o libro "13 mulleres que escribiron a historia en feminino. 13 mulleres con coraxe", resultado da actividade conmemorativa do 8 de marzo. 

Aquí, na Marela, podédelo desfrutar en formato dixital:

 

Moi pronto o vídeo.

11F. Mesa redonda e As ciencias escríbense en feminino: Os actos

A seguir unhas imaxes dos actos celebrados no centro o 11F para conmemorar o Día Internacional da Muller e a Nena na Ciencia, coordinados polas profesoras Natalia Fernández e Raquel Honrubia, respectivamente:

Mesa redonda online coa participación de científicas de distintos ámbitos que falaron sobre as súas experiencias e os seus traballos de investigación, así como das oportunidades de futuro ao alumnado de 1º do Bacharelato de Ciencias.

  

“As ciencias escríbense en feminino”, xornada divulgativa en liña para conmemorar a efeméride do 11F, que tivo como destinatario o alumnado do STEMBach (1º e 2º).

11F. Encontro con Yolanda Pazos: o acto.

O pasado 10 de febreiro no marco da celebración do 11F (Día Internacional da Muller e a Nena na Ciencia) tivo ligar o anunciado Encontro coa oceanógrafa Yolanda Pazos que disertou sobre O fitoplancto nosa vida ao alumnado de 1º do Bacharelato de Ciencias

A seguir unha pequena reportaxe gráfica do acto, coordinado pola profesora Natalia Fernández.

 

11 F: Día Internacional da Muller e a Nena na Ciencia

 

O 11 de febreiro celebrase o Día Internacional da Muller e a Nena na Ciencia, e malia as restricións derivadas da pandemia da COVID-19, sumámonos á conmemoración con diversas actividades coordinadas polo Departamento de Bioloxía:

 1.  Mesa redonda organizada polos centros singulares da USC: CiQUS, CIMUS, CiTIUS e IGFAE, coa participación de científicas de distintos ámbitos, que lles falarán ao alumnado do 1º do Bacharelato A de Ciencias das súas experiencias e dos seus traballos de investigación, así como das oportunidades de futuro. Coordina a profesora Natalia Fernández.

 2. “As ciencias escríbense en feminino”, unha xornada divulgativa en liña para conmemorar o Día Internacional da Muller e a nena na Ciencia, organizada polo Concello de Santiago, a través do CEXTEC e Talentia Summit, destinada ao alumnado do STEMBach (1º e 2º). Coordina a profesora Raquel Honrubia.

 

A maiores, propoñemos a toda a comunidade escolar ver as películas:

Figuras ocultas, que narra a historia de tres brillantes mulleres científicas afroamericanas que traballaron na NASA a principios dos anos sesenta no proxecto de poñer en órbita o astronauta John Glen, en plena carreira espacial, tendo como pano de fondo a loita polos dereitos civís dos negros estadounidenses.

Preme no cartel publicitario da película para ver o tráiler oficial da mesma:

Próxima, que narra a historia de Sarah, unha astronauta francesa que se adestra na Axencia Espacial Europea en Colonia, sendo a única muller dentro do esixente programa. Sarah vive soa coa súa filla de sete anos Stella, sentíndose culpábel por no poder pasar máis tempo coa rapaza. E cando Sarah é elixida para formar parte da tripulación dunha misión espacial de un ano de duración chamada Próxima, daquela prodúcese un afastamento na relación entre nai e filla.

Preme no cartel publicitario da película para ver o tráiler oficial da mesma:

 

11F. Encontro con Yolanda Pazos

Encontro con Yolanda Pazos no marco das actividades organizadas para conmemorar o 11 de febreiro, Día Internacional da Muller e a Nena na Ciencia.

Evento organizado polo Departamento de Bioloxía e coordinado pola profesora Natalia Fernández.

Encontro con... Ana María Otero Casal

O 11 de febreiro celebrase o Día Internacional da Muller e a Nena na Ciencia, e no marco das actividades a realizar no instituto haberá un Encontro coa microbióloga Ana María Otero Casal, que impartirá o relatorio "Resistencia a antibióticos" ao alumnado de 4º de ESO e de Anatomía Aplicada de 1º de Bacharelato.





A seguir unha pequena reportaxe fotográfica do Encontro coa microbióloga e investigadora que acompañamos de fotos da exposición complementar:

 

Encontro con Concepción Sánchez: as fotos

O pasado luns 18 de febreiro, dentro das actividades que realizamos no instituto para conmemorar o Día Internacional da Muller e a Nena na Ciencia, a investigadora do CSIC e directora do Instituto de Investigacións Agrobiolóxicas de Galicia, Conchi Sánchez, impartiu a charla Biotecnoloxia forestal, viveiro de árbores e investigadores ao alumnado de 4º de ESO e de 1º de bacharelato.

Velaquí algunha fotografía do evento...

Alumnos de ESO e bacharelato recibiron a Conchi cunha espectacular coreografía 

diante da exposición  "Investigadoras na luz e nas tecnoloxías da luz".

… e aquí unha entrevista publicada no prensa local.

Artigo publicado no Faro de Vigo (edición Deza) o 19/02/2019

Encontro con Concepción Sánchez Fernández

Exposición 11 de febreiro: InvestigadorAs na luz.

Desde o 1, temos expostos os pósters sobre as investigadorAS na luz. Á beira tamén podemos observar:

• unha serie de láminas sobre ilusións ópticas.
• as minibiografías comiqueras de la Fuensanta y el Antón.
• no recanto Toc-toc, un achegamento ao mundo microscópico.

Coma sempre, podedes dispoñer do tríptico de seguimento e suxestións, elaborado polo alumnado de PMAR.

 

Obradoiro de papiroflexia con Teresa Otero

.

Investigadoras na luz. Exposición

Nas aulas de Hipatia

Teón de Alexandría (Sandra Blanco) presentounos, na entrada do instituto, a súa filla Hipatia (Rosa Núñez), considerada como a primeira muller astrónoma e matemática da historia.

Un día calquera de principios do século V, Hipatia imparte clase aos seus discípulos. Sinesio de Cirene (Alba Otero), Orestes (Semahel Polo) e Hesiquio de Alexandría (Hugo Pérez), ademais de se volveren sorprender coas explicacións astronómicas, tiveron o privilexio de ser os primeiros da historia en veren un  densímetro, invención da súa mestra.

Están marabillados e felices, así que, ao rematar a clase, celébrano bailando o Epitafio de Seikilos.

Con Margarita Salas, Josefa Yzuel e María Blasco

Malia non poderen vir de "corpo enteiro", grazas a Fran Otero e a xente de BAC Artes, puidemos contar con tres das  científicas máis relevantes de España. Ben se poden ver no noso laboratorio en miniatura. Son a bioquímica Margarita Salas (Canero-Asturias, 1938), a óptica Josefa Yzuel (Jaca, 1940) e a bióloga e directora do CNIO, María Blasco (Alacant, 1965).

No super atril, máis información sobre elas:

Ao pé, unha pequena selección de libros, películas e documentais arredor da muller e a ciencia.

Cerca, unha "photo call" para que calquera se puidese sentir "muller científica". Unha vez máis, obra de Fran e os seus.

 
2º de ESO case sempre mostra grande interese en resolver os cuestionarios que preparamos. Aquí, ás voltas co de Astrónomas que fixeron historia.