8 M: Día da Muller Traballadora

Exposición das ENTREVISTAS A MULLERES, realizadas polo alumnado de 2º ESO. 

O traballo forma parte do PROXECTO da Biblioteca "Lalín, o concello das 1.000 vacas" no que o alumnado, coordinado pola profesora Carmen Frade Gómez, fai unha análise, desde unha perspectiva de xénero, da actividade agrícola e gandeira a través das entrevistas a varias mulleres, e algún home, do seu entorno familiar ou local.

Vemos, así, opinións, experiencias, anéctotas... que dan conta da enorme, e imprescindible, evolución da muller no rural.

As entrevistas, polo de agora, poden lerse, completas, no véstibulo do instituto. Nas vindeiras semanas xa as poderemos escoitar en Marela Radio.

Na exposición tamén se destacan algúns comentarios concretos, unhas frases ben curtiñas, pero que din moito. Ao tempo que podemos ver a fotografía que o alumnado fixo á persoa entrevistada e unha pequena selección bibliográfica do fondo da nosa bilioteca.

8 M (2023)

A pesar dos avances, e de que as mulleres occidentais se poden considerar unhas privilexiadas con respecto ás súas iguais doutras partes do mundo, aínda é necesario reivindicar a igualdade: igualdade no trato, no respecto, nos salarios, na seguridade... 

E visibilizar as nosas mulleres é o que buscamos desde o IES Ramón Mª Aller Ulloa  neste  8 M, por iso os nomes de todas as estudantes e traballadoras do centro aparecen, do seu puño e letra, nos carteis que hoxe ondean no vestíbulo do instituto.

Grazas a todas as mulleres do IES Ramón Mª Aller Ulloa por participardes na actividade; e a Saleta, Alba, Ánxeles, Marta e Maruxa por coordinar a actividade.

Deseño dos carteis: Saleta Fragueiro

Unha alumna escribindo o seu nome nunha das tiras.

Rapazas en proceso de produción de carteis.

Na última fase do traballo: colocando as tiras cos nomes.

 E o resultado final: 

Literiatura [189]: Nasrin Sheykhi

Muller e educación

de Nasrin Sheykhi.

8 de marzo: Día internacional da muller

Un ano máis celebramos o Día internacional da muller, achegando o noso gran de area para que mulleres e homes poidamos vivir en igualdade de dereitos. E diso precisamente será do que nos falen 12 mulleres e homes, profesoras e profesores, que hoxe se trasladarán a diferentes períodos da nosa historia recente para explicarlle ao alumnado que dereitos foron gañando, ou perdendo, as mulleres, desde finais do século XIX ata os nosos días.

 

Premio de Azos Feministas

Este ano polo 8M o colectivo Azos Feministas propúxolle ao alumnado dos centros escolares de Lalín que contaran o porqué da importancia deste día. E unha das cartas premiadas resultou ser da autoría de Lara Fernández Martínez, alumna de 1º da ESO do noso instituto. 

Parabéns Lara.

Lara co seu premio

Lara coa profesora que coordinou a actividade e con dúas integrantes do colectivo AF

8M. Encontro con María González Flores : o acto

O ramo á celebración do 8 de marzo, Día Internacional da Muller, puxémolo hoxe co programado Encontro coa socióloga e feminista María González Flores, que amosou as súas dotes de comunicadora achegando o alumnado ao coñecemento dos feminismos dun xeito moi ameno.

O acto, coordinado pola profesora Alba Payo, celebrouse en dúas sesións coa presencia do alumnado de 1º do Bacharelato B e C e de 4º da ESO B que amosou moito interese, participando activamente na charla-obradoiro.

Esta foi a benvida de María González Flores:

 A seguir máis fotos do Encontro:

 

Encontro con María González Flores

O próximo venres 26, o alumnado de 1º do Bacharelato de HMC e Literatura Universal terá un Encontro coa socióloga María González Flores. A charla-obradoiro versará sobre feminismos.

 

8M. 13 mulleres con coraxe : o vídeo

Poñémoslle o ramo ao proxecto "13 mulleres que escribiron a historia. 13 mulleres con coraxe", conmemorativo do 8 de marzo, cun vídeo sobre a actividade nas aulas:

Parabéns a todas.

8M. 13 mulleres que escribiron a historia en feminino. 13 mulleres con coraxe : o libro

Vén de saír do prelo o libro "13 mulleres que escribiron a historia en feminino. 13 mulleres con coraxe", resultado da actividade conmemorativa do 8 de marzo. 

Aquí, na Marela, podédelo desfrutar en formato dixital:

 

Moi pronto o vídeo.

8M. A historia en feminino : Reportaxe gráfica

Coraxe de muller. A seguir unha breve reportaxe gráfica das 13 mulleres que nos visitaron para conmemorar o 8 de marzo e informar sobre A historia en feminino:

Á esquerda a Rosie icónica. Á dereita a Rosie de Alba

Transmitindo información na aula

Quen é quen? Marcela e Elisa, á esquerda; a Marcela de Lara e a Elisa de Carme, á dereita

Á esquerda Marcela preocupada pola estética de Elisa. Á dereita dando a coñecer a súa historia

Simone de Beauvoir e Eva-Simone de Beauvoir

Perante un alumnado expectante. Á dereita ante os carteis da actividade

Rosalind Franklin e Mar-Rosalind Franklin

Na aula en compaña de María Blasco e diante dos carteis

Raquel transfigurada en María Blasco

Defendendo con paixón a causa da Ciencia

Chimamanda N. Adichie clonada en Adriana

Chimamanda-Adriana seguida con moito interese

A Cigarreira Luísa semella saída de unha das históricas fotos

A Cigarreira-Luísa ante o cartel e na ula informando da tráxica historia

A verdade é que non se sabe moi ben cal Teodora está no mosaico, será a nosa Marta?

Teodora posando ante os carteis e na compaña de Rosie (o tempo é relativo)

As dúas Marías (Maruxa e Coralia). Á dereita, Iris e Uxía en perfecta sintonía 

Coralia e Maruxa informando na aula da súa tráxica vida

Maruxa Mallo personificada en Marián

Na aula dando a coñecer a súa vida e obra, e posando diante dos carteis publicitarios

María é realmente Marjane Satrapi

Na aula falando da súa vida reflectida en "Persépole"

 Proximamente libro e vídeo sobre esta marabillosa actividade.