Coa nosa xente: Luís e Nuria

Grande é a ledicia cando recibimos novas de recoñecementos á nosa xente, a que compartiu as nosas aulas. Se a presenza é dobre, dobre é a alegría. Se os méritos se sitúan na órbita do ben común -neste caso, a medicina pública- o gozo multiplícase.

Esta semana, a SEPAR  distinguiu o Servizo de Neumoloxía do Complexo Hospitalario Universitario de Santiago (CHUS) co Diamante con Excelencia, a súa máxima certificación, a que significa o cumprimento dos requisitos máis esixentes en asistencia, docencia e investigación, por parte do CHUS.

E velaí que a foto non moi difundida que atopamos en El correo gallego ábrenos un sorriso dos certos. Luís e Nuria, aí os están: o segundo dos varóns pola esquerda e a primeira pola dereita.

Luís González Taboada é o Director de Atención Hospitalaria da Área Sanitaria de Santiago e Barbanza. Nuria Rodríguez Núñez é relevante neumóloga no CHUS. El encádrase na primeira promoción do BUP (1975-79), ela na penúltima (1995-99): vinte anos de historias mil e de alegrías, como esta, para compartir.

Hoxe non publicamos as fotos da ficha de COU, senón as de 1º de BUP:

Como a Fernando de Quián non lle gustou a resolución destes, coteneou en "melloralas":

Parabéns, Nuria. Parabéns, Luís.

Coa nosa xente : Lidia Cumplido Viéitez

Dámoslle hoxe a benvida á sección Coa nosa xente a Lidia Cumplido Viéitez, enfermeira de Educación Diabetolóxica no Hospital de Verín, co gallo de pór en práctica a idea dos taboleiros informativos sobre o azucre dos alimentos após un meticuloso traballo de investigación sobre a importancia dunha alimentación non só saudable senón consciente a través de diferentes ferramentas lúdicas na procura non só de informar senón que tamén de formar, misión na que a acompaña Gluci, a mascota da unidade creada con Intelixencia Artificial, pola propia Lidia.

Foto: https://www.enfermeriaourense.org/

A respecto do antedito, Lidia declara en entrevista ao Ilustre Colexio Oficial de Enfermería de Ourense que a finalidade na información exposta nun dos taboleiros do hospital de Verín non só se trata de ver números, senón que escoitamos ao paciente, adicámoslle tempo que é o máis valioso; engadindo información de impacto exposta no taboleiro como que comer 200 gramos de empanada equivale a 8 sobres de azucre.

Moitos parabéns e moito ánimo no teu bo facer profesional, Lidia.

A seguir a nosa Lidia cando o 2º do Bacharelato: 

Lidia en 2º Bac. 2006-07. Copyright IES Aller Ulloa

Coa nosa xente : Óscar Rapado González

Unha vez máis, congratulámonos do éxito do alumnado co que tivemos a fortuna de sermos parte da súa formación e que co tempo vai demostrando a súa valía persoal e profesional.

E hoxe a quenda é de Óscar ao que lle damos á benvida na sección Coa nosa xente, ao fío de lle ser outorgado pola Real Academia de Doctores de España o premio á mellor tese doutoral no eido das Ciencias da Vida e a Saúde, polo traballo de investigación  Liquid Biopsies for Precision Medicine in Colorectal and Head and Neck Cancers: Saliva and Blood Biomarkers (Biopsias líquidas para medicina de precisión en cancro colorrectal e de cabeza e pescozo: biomarcadores de saliva).

Óscar amosando o Diploma acreditativo.

Óscar, no centro da imaxe, o día da lectura da súa tese

Óscar presentou no seu momento con éxito a tese ante o IDIS (Instituto de Investigación Sanitaria), institución á que pertence. Na web do IDIS lemos sobre a tese a seguinte recensión:

El estudio se enmarca en la línea de trabajo que sigue el grupo de investigación de Oncología Médica Traslacional con el objetivo de identificar marcadores diagnósticos no invasivos a través del análisis de muestras de saliva. El investigador ha analizado tanto marcadores genéticos como epigenéticos en muestras de pacientes con cáncer colorrectal y de cabeza y cuello para identificar firmas con interés para el diagnóstico de ambos tumores.

No referente á dita tese de investigación, Óscar sinala: "Esta caracterización pon de manifesto o potencial valor do estudo da integridade do ADN como biomarcador de cancro oral".

Máis información no Facebook da Marela Tarabela

Parabéns a esgalla, Óscar.

A seguir, Óscar cando o 2º do Bacharelato:

 

Óscar no curso 2008-09. Copyright IES Aller Ulloa