Literiatura [179] : Digo Freitas

Pilha de livros para ler

de Digo Freitas en Diario de ideias... 

Paskekrim

En Noruega é unha tradición da Semana Santa  que as casas e as rúas se enchan de narcisos e outras flores amarelas para celebrar a chegada da primavera, así como ir descansar uns días nas cabanas e comer chocolate. Pero hai outra tradición que nos chamou moito a atención, o Paskekrim, é dicir a lectura de novela negra, de detectives, de suspense e mesmo de terror.

Todo empezou cando na Pascua de 1923 Harald Grieg, da Editorial Gyldendal, publicou, nun dos xornais de maior tiraxe daquela altura, o seguinte anuncio “Tren de Bergen saqueado durante a noite”.  A intención era dar publicidade a unha novela policial, pero coma no caso do programa radiofónico baseado en A guerra dos mundos de H. G. Wells, moita xente pensou que o asalto ao tren era real. E a partir de aquí a lectura de novela negra na Semana Santa xa é un clásico entre os noruegueses.

Deixámosvos aquí unha pequena mostra da literatura galega deste xénero, pero se vos achegades á Biblioteca Mario Pereira poderedes atopar moito máis.

Que gocedes da lectura.

Campións olímpicos (do saber)

A nosa Olimpíada do Saber 2022 xa ten gañadores. Os 11 equipos inscritos indagaron, preguntaron, leron... e aprenderon xogando. Aínda que só tres subirán ao podio dos campións, desde a Marela felicitamos a todos e todas os que participaron polos seus resultados e a competición que demostraron nestas catro semanas.

Na imaxe do noso fotógrafo Carlos Míguez podedes ver os campións co seu regalo de ouro e coroados de loureiro. Á súa dereita o bronce e as pratas.

Encontro con Juan Gestal Otero : "Historia das pandemias"

Organizado e coordinado polas profesoras Alba Payo de Xeografía e Historia e Ana Penas de Bioloxía, o mércores 6 terá lugar un Encontro con Juan Gestal Otero arredor da Historia das pandemias e que terá como destinatario o alumnado de 4º da ESO de Cultura científica.

Que mellor maneira que o coñecemento da historia das pandemias para comprendermos a magnitude da pandemia actual da COVID-19.

E ao fío do Encontro con Juan Gestal non está de máis botarlle unha tranquila ollada ao libro Pandemias, froito da Exposición Pandemias, proxecto desenvolvido o curso anterior. 

 

Literiatura [178] : Saeed Sadeghi

Pensamento

de Saeed Sadeghi.